ესპანეთის ტრანსპორტის მინისტრი ოსკარ პუენტე გადადგა ჩქაროსნული მატარებლების შეჯახებიდან ექვსი დღის შემდეგ, რომელსაც სულ მცირე 69 ადამიანი ემსხვერპლა და ათობით დაშავდა.

BBC-ის ცნობით, მან ეს გადაწყვეტილება კონგრესში მას შემდეგ გამოაცხადა, რაც ჩვენება მისცა.

“ისეთი ქვეყნის ტრანსპორტის მინისტრი, როგორიც ესპანეთია, არ შეიძლება დარჩეს თანამდებობაზე ერთ წელზე ნაკლებ დროში ამ სიმძიმის ორი ავარიის შემდეგ”, – განაცხადა პუენტემ. მან იგულისხმა იანვარში იმავე ხაზზე მომხდარი ავარიაც, რომელსაც 46 ადამიანი ემსხვერპლა.

გასულ კვირას მომხდარი ავარია ევროპის თანამედროვე ისტორიაში ერთ-ერთი ყველაზე მასშტაბური სარკინიგზო კატასტროფაა და ესპანეთის ყველაზე მძიმე შემთხვევაა 2013 წლის შემდეგ.

პუენტემ ასევე აღნიშნა, რომ ის ტრანსპორტის მინისტრის პოსტს ტოვებს და თავის სახელს ვადამდელი საპარლამენტო არჩევნების სიებიდანაც გამოაქვს.