თურქეთის ქალაქ იზმირში, რკინა-ფოლადის ქარხანაში ძლიერი აფეთქება დაფიქსირდა. „NTV“-ის ინფორმაციით, შემთხვევა იზმირის ალიაღას რაიონში მოხდა და აფეთქებას ტერიტორიაზე დიდი ხანძარი მოჰყვა.

იზმირის გუბერნატორის (ვალის) გავრცელებული განცხადების თანახმად, ქარხანაში მომხდარი აფეთქების შედეგად დაღუპულთა რიცხვი 10-მდე გაიზარდა. ინციდენტის დროს 15 ადამიანი დაშავდა, რომელთაგან ოთხის მდგომარეობა მძიმეა. ამასთანავე, გრძელდება იმ პირების სამძებრო-სამაშველო ღონისძიებები, რომლებიც, სავარაუდოდ, ნანგრევების ქვეშ იმყოფებიან.