Habertürk-ის ინფორმაციით, რომელსაც ის Reuters-ის კონფიდენციალურ წყაროებზე დაყრდნობით ავრცელებს, ChatGPT-ის შემქმნელმა კომპანია OpenAI-მ 1,25 ტრილიონი დოლარის შეფასებით 11 მილიარდი დოლარის ახალი ინვესტიცია მიიღო. აღნიშნული ფინანსური ტური კომპანიის უფრო მასშტაბური დაფინანსების პირველ ნაწილს წარმოადგენს.

წყაროების ცნობით, კომპანია თავდაპირველად 30 მილიარდამდე რესურსის მოზიდვას გეგმავდა, ხოლო მიზნად დასახული 1,5 ტრილიონი დოლარის ღირებულება 1,25 ტრილიონ დოლარამდე შემცირდა. საინვესტიციო ტურში მონაწილეობა მიიღეს იაპონურმა SoftBank Group-მა და აბუ-დაბიში მდებარე ტექნოლოგიურმა საინვესტიციო კომპანია MGX-მა.

გარდა ამისა, OpenAI-მ არაბთა გაერთიანებული საამიროების ენერგეტიკულ კომპანია ADNOC-თან და G42-თან მრავალწლიანი თანამშრომლობის ხელშეკრულება გააფორმა. ADIPEC 2026-ის ფარგლებში დაანონსებული პარტნიორობა ADNOC-ის ოპერაციებში ხელოვნური ინტელექტის გამოყენებას, გადაწყვეტილების მიღების პროცესების გაუმჯობესებას და ენერგეტიკული ჯაჭვის ეფექტიანობის ზრდას ისახავს მიზნად. ამასთან ერთად, Forbes-ის მონაცემებით, OpenAI-ის გენერალური დირექტორის, სემ ალტმანის ქონება 7 ნოემბრის მდგომარეობით 3,1 მილიარდ დოლარად არის შეფასებული.