ისრაელის პრეზიდენტმა ისჰაკ ჰერცოგმა ქვეყნის მთავრობის ფორმირება ოპოზიციის ლიდერს, გადი აიზენკოტს დაავალა. აღნიშნულის შესახებ ინფორმაციას გამოცემა The Times of Israel პრეზიდენტის კანცელარიაზე დაყრდნობით ავრცელებს.

გავრცელებული ცნობებით, ისჰაკ ჰერცოგმა თავისი გადაწყვეტილების შესახებ როგორც გადი აიზენკოტს, ისე მოქმედ პრემიერ-მინისტრ ბინიამინ ნეთანიაჰუს აცნობა. პრეზიდენტმა კანდიდატი ახალი მოწვევის ქნესეთის წევრთა დელეგაციებთან კონსულტაციების შემდეგ შეარჩია.

კონსულტაციების შედეგად, აიზენკოტის კანდიდატურას მხარი 67-მა დეპუტატმა დაუჭირა, ნეთანიაჰუს — 46-მა, ხოლო დანარჩენმა დეპუტატებმა თავი შეიკავეს.

წარმოდგენილი პირობების თანახმად, გადი აიზენკოტს მთავრობის შესაქმნელად 28-დღიანი ვადა ექნება. საჭიროების შემთხვევაში, მას დამატებითი 14-დღიანი პერიოდის მოთხოვნის უფლებაც ექნება.