ამერიკის შეერთებულმა შტატებმა შესაძლოა ირანზე დარტყმები 9 ნოემბერს განაახლოს. აღნიშნულის შესახებ ტელეარხი Fox News მაღალი რანგის ოფიციალურ პირებზე დაყრდნობით იტყობინება, რომლებიც ირანის კონფლიქტის განხილვებს იცნობენ.

წყაროების ცნობით, ახლო აღმოსავლეთში 9 ნოემბერს ახალმთვარეობა იქნება, რაც მთვარის თითქმის სრულ არარსებობას და სამხედრო ოპერაციებისთვის შესაფერის პირობებს ნიშნავს. ტელეარხის ინფორმაციითვე, თეთრ სახლში 4-5 ნოემბერს მსჯელობდნენ იმის შესახებ, უნდა განახლდეს თუ არა ირანზე დარტყმები.

გარდა ამისა, აშშ-ის პრეზიდენტმა დონალდ ტრამპმა ირანთან დაკავშირებით შესაძლოა სამი ვარიანტიდან ერთი აირჩიოს: ახალი დარტყმების მიტენა, თეირანისთვის ეკონომიკური ზეწოლის გაგრძელება ან შეთანხმების მიღწევა. ადრე გამოცემა Axios-იც იტყობინებოდა, რომ აშშ-ის შეიარაღებული ძალების ცენტრალური სარდლობა (CENTCOM) ირანში მასშტაბური საბრძოლო ოპერაციების შესაძლო განახლებისთვის მოსამზადებელ სამუშაოებს ასრულებს, თუმცა ვაშინგტონიდან ახალი მითითებები მიღებული არ ჰქონია.