ისრაელის პრეზიდენტმა ისააკ ჰერცოგმა განაცხადა, რომ აშშ-ის პრეზიდენტ დონალდ ტრამპის გადაწყვეტილება ისრაელისთვის 4 მილიარდი დოლარის ოდენობით დახმარების შეჩერების თაობაზე მისთვის წინასწარ ცნობილი არ ყოფილა. „ჰაბერთურქის“ ცნობით, ჰერცოგმა აღნიშნა, რომ ამ სიტუაციამ ის გაოგნებული დატოვა. „ტაიმს ოფ ისრაელზე“ დაყრდნობით, ისრაელში ოპოზიციური ბლოკის პარტია „იაშარის“ დელეგაციასთან შეხვედრისას ჰერცოგმა ხაზგასმით აღნიშნა, რომ ამერიკული დახმარების შეწყვეტის საკითხი მას ძალზე აშფოთებს.

აშშ-ის პრეზიდენტმა დონალდ ტრამპმა 3 ნოემბერს, შუალედური არჩევნების დღეს, განაცხადა, რომ ისრაელისთვის გამოყოფილი 4 მილიარდი დოლარის დახმარება შეჩერდება. მისი თქმით, მიღწეულია შეთანხმება, რომ წლის ბოლომდე ისრაელისთვის დახმარება შეწყდეს და აღნიშნა: „არც ისრაელს აღარ მივცემთ ფულს“.

„ჰაბერთურქის“ ინფორმაციით, ისრაელის სახელმწიფო ტელევიზია KAN-ი ავრცელებს, რომ ტრამპის ამ მოულოდნელმა გადაწყვეტილებამ ისრაელის თავდაცვის სამინისტროსა და სამხედრო წრეებში გაოგნება გამოიწვია. ჰერცოგის განცხადებით, ვაშინგტონთან ურთიერთობების შესანარჩუნებლად ისრაელში მთავრობა უნდა ჩამოყალიბდეს და ხელახალ არჩევნებს თავს უნდა აარიდონ.