აფფიონქარაჰისარის პროვინციის იჰსანიეს რაიონის ზემოთანდირის, აიაზინისა და ყიყირის სოფლებში მომხდარი შეიარაღებული თავდასხმების შედეგად 8 ადამიანი გარდაიცვალა, ერთი პირი კი მძიმე მდგომარეობაში საავადმყოფოში გადაიყვანეს. Habertürk-ის ინფორმაციით, დაღუპულებს შორის ორი პედაგოგი – აიშე სენა დემირი და ჰილალ მეტე არიან.

თავდასხმების შემდეგ ავტომობილი მიატოვა და ფეხით მიიმალა ეჭვმიტანილი, 28 წლის არიფ სეფა Ö., პოლიციისა და ჟანდარმერიის ერთობლივი ოპერაციის შედეგად ესკიშეჰირის სეითგაზის რაიონში დააკავეს. ვრცელდება ინფორმაცია, რომ თავდამსხმელმა მიმდებარე ტერიტორიაზე მოქალაქეების კუთვნილი ავტომობილები გასტაცა.

მომხდარ ფაქტთან დაკავშირებით, აფფიონქარაჰისარის რესპუბლიკური პროკურატურის მოთხოვნით და სასამართლოს გადაწყვეტილებით, რადიოსა და ტელევიზიის უმაღლესმა საბჭომ (RTÜK) თავდასხმის შესახებ გავრცელებულ ინფორმაციებზე მაუწყებლობის აკრძალვა დააწესა.