სააგენტო Trend-ის მიერ აზერბაიჯანის სახელმწიფო საბაჟო კომიტეტის მონაცემებზე დაყრდნობით გავრცელებული ინფორმაციის თანახმად, 2026 წლის იანვარ-სექტემბერში აზერბაიჯანსა და საქართველოს შორის სავაჭრო ბრუნვამ 887,95 მილიონი აშშ დოლარი შეადგინა, რაც წინა წლის ანალოგიურ პერიოდთან შედარებით 42.3%-იანი ზრდაა. გამოთვლების მიხედვით, ღირებულებითი თვალსაზრისით, სავაჭრო ბრუნვა 264 მილიონი დოლარით გაიზარდა.

საოტჩეტო პერიოდში საქართველოსთან სავაჭრო ბრუნვამ აზერბაიჯანის მთლიანი საგარეო სავაჭრო ბრუნვის 2.39% შეადგინა, რის შედეგადაც საქართველო აზერბაიჯანის უმსხვილეს სავაჭრო პარტნიორთა შორის მე-8 ადგილზე დასტაბილურდა. Trend-ის ცნობით, იანვარ-სექტემბერში აზერბაიჯანიდან საქართველოში 757,49 მილიონი დოლარის ღირებულების პროდუქცია გავიდა, რაც გასული წლის იმავე პერიოდთან შედარებით 52.9%-ით (დაახლოებით 262 მილიონი დოლარით) მეტია. ამასთან, საექსპორტო ოპერაციებში არანავთობპროდუქტების მოცულობამ 443 მილიონი დოლარი შეადგინა, რაც წინა წელთან შედარებით 1.8-ჯერ ანუ 198.2 მილიონი დოლარით გაიზარდა.

რაც შეეხება იმპორტს, ამავე პერიოდში აზერბაიჯანმა საქართველოდან თითქმის 130,46 მილიონი დოლარის საქონელი შეიძინა. ეს მაჩვენებელი 2025 წლის პირველ ცხრა თვესთან შედარებით 1.93 მილიონი დოლარით ანუ 1.5%-ით გაიზარდა.