აშშ-ის შუალედურ არჩევნებში დონალდ ტრამპის რესპუბლიკურმა პარტიამ მძიმე მარცხი განიცადა, რის შედეგადაც დემოკრატებმა კონგრესზე კონტროლი მოიპოვეს. აშშ-ის პრეზიდენტმა დონალდ ტრამპმა განაცხადა, რომ „დიდწილად სიმართლეა“, თითქოს ირანის წინააღმდეგ წარმოებულმა ომმა რესპუბლიკელების მარცხი გამოიწვია. ტრამპის თქმით, ამ კონფლიქტმა მოკლევადიან პერსპექტივაში საწვავის ფასების ზრდა გამოიწვია, თუმცა მანვე აღნიშნა, რომ სხვა გზა არ ჰქონდა და ირანს ბირთვული იარაღის შეძენის საშუალება არ უნდა მიეცეს.

ვიცე-პრეზიდენტმა ჯეი დი ვენსმა სოციალურ ქსელში გამოქვეყნებულ ვრცელ პოსტში ასევე აღნიშნა, რომ პარტიის მარცხის მიზეზი სწორედ ომი გახდა და საჯაროდ დასვა კითხვა, ღირდა თუ არა კონფლიქტი სენატის დაკარგვად.

მიუხედავად მარცხისა, პრეზიდენტმა ტრამპმა მხარი დაუჭირა პენტაგონის ხელმძღვანელს, პიტ ჰეგსეთს და განაცხადა, რომ მისი გათავისუფლება არ იგეგმება, რადგან ის „ძალიან კარგ სამუშაოს ასრულებს“. ირანის კამპანიამ აშშ-ის გადასახადის გადამხდელებს ათობით მილიარდი დოლარი დაუჯრა და საწვავის ფასების მატება გამოიწვია, რამაც რესპუბლიკური პარტიისთვის არჩევნებზე მნიშვნელოვანი დაბრკოლება შექმნა.

არჩევნების შედეგად დემოკრატებმა წარმომადგენელთა პალატისა და სენატის კონტროლი ჩაიგდეს ხელში. უკრაინის პრეზიდენტმა ვოლოდიმირ ზელენსკიმ გერმანულ მაუწყებელ ZDF-თან ინტერვიუში იმედი გამოთქვა, რომ დემოკრატების გამარჯვება უკრაინისთვის ამერიკული დახმარების გაზრდას შეუწყობს ხელს.